Sherg.az "20 may - Dünya Arılar Günü" münasibətilə bağlı maraqlı məlumatlar təqdim edir:
1. Bal pətəyi mühəndislik möcüzəsidir. Pətək gözlərinin divarları millimetrin onda birindən də nazik olsa da, öz çəkisindən yüzlərlə dəfə ağır olan balı daşıya bilir.
2. Bir arının ömür boyu istehsal etdiyi bal çox azdır. Araşdırmalara görə, bir arı həyatı boyunca təxminən bir çay qaşığı balın yalnız 1/12 hissəsini hazırlayır.
3. Arılar pətəyi təbii şəkildə havalandırırlar. Yüzlərlə arı qanad çırparaq çirkli havanı çölə çıxarır, sonra isə təmiz havanın içəri daxil olmasını təmin edir.
4. Bal arısının mədəsi çox kiçikdir. Təxminən sancaq başı böyüklüyündə olan mədəni bir arı bir yüksük dolusu bal toplamaq üçün 60 dəfə doldurub boşaltmalıdır.
5. Yarım kiloqram bal üçün milyonlarla çiçək lazımdır. Arılar bunun üçün təxminən 2 milyon çiçəyi ziyarət edir və 88 min kilometrdən çox məsafə qət edirlər.
6. Bir pətək gözünü doldurmaq üçün 100 milyona yaxın çiçəkdən nektar toplanır.
7. İki kiloqram bal istehsalı üçün arılar Yer ilə Ay arasındakı məsafəyə bərabər yol qət edə bilirlər.
8. Arıların vızıltısı qanadlardan deyil, əsasən döş qəfəsindəki əzələlərin hərəkətindən yaranır. Qanadlar dəqiqədə təxminən 11 400 dəfə çırpılır.
9. Bal arılarının beş gözü var. İki mürəkkəb göz başın yanlarında, üç sadə göz isə başın üst hissəsində yerləşir.
10. Bal qədimdən təbii müalicə vasitəsi kimi istifadə olunub. Birinci Dünya Müharibəsi dövründə yaraların sağalmasına kömək etmək üçün baldan istifadə edilirdi.
11. Yalnız dişi arılar sancır. Çünki sancaq yalnız onlarda olur. Bal arısı sancdıqdan sonra adətən həyatını itirir.
12. Arıların beyni kiçik olsa da, mürəkkəb quruluşa malikdir. Hər arının beynində təxminən 1 milyon neyron mövcuddur.
13. Arılar “elektrik izləri” qoyurlar. Polen topladıqları çiçəklərdə yaranan elektrik sahəsi digər arılara həmin çiçəyin artıq ziyarət edildiyini bildirir.
14. Kraliça arı xüsusi kimyəvi maddə ifraz edir. Bu maddə koloniyadakı bütün arılar tərəfindən tanınır və onların eyni qoxuya malik olmasını təmin edir.
15. Məhz bu qoxu sayəsində koloniyanın üzvləri bir-birini tanıyır. Pətəyə daxil olan yad arılar isə dərhal müəyyən edilərək qovulur.
