Beynəlxalq Atom Enerjisi Agentliyi (BAEA) Zaporojya Atom Elektrik Stansiyasının yaxınlığında yeni lokal atəşkəsə kömək edib.
Teleqraf xəbər verir ki, bu barədə BAEA-nın baş direktoru Rafael Qrossi məlumat verib.
Qrossi Zaporojya AES ətrafında vəziyyəti son dərəcə ciddi adlandırıb.
“Zaporijya AES-də BAEA-nın vasitəçiliyi ilə daha bir atəşkəs qüvvəyə minib ki, bu da onun xarici enerji təchizatı ilə əlaqələrini gücləndirməyə və nüvə insidentinin qarşısının alınmasına yönəlmiş təmir işlərinə imkan verəcək”, - Qrossi deyib.
Qrossinin sözlərinə görə, elektrik enerjisinin kəsilməsi mütəxəssislərə noyabrın 8-də “Ferrosplavnaya-1” yarımstansiyasından Ukrayna xəttinə enerjinin bərpasına başlamağa imkan verəcək. İşin başlanmasından bir neçə gün sonra qoşulma gözlənilir.
