Azərbaycan Respublikasının Xalq artisti, tanınmış kinorejissor və ssenarist Eldar Quliyevlə vida mərasimi başa çatıb.
APA-nın əməkdaşının verdiyi məlumata görə, mərasimə mərhumun ölkə xaricində yaşayan qızları Nərminə və İradə Quliyeva da gəlib çata biliblər.
Saat 12:29
Azərbaycan Respublikasının Xalq artisti, tanınmış kinorejissor və ssenarist Eldar Quliyevlə vida mərasimi keçirilir.
APA-nın məlumatına görə, mərasim “Təzə Pir” məscidində təşkil olunub.
Qeyd edək ki, Xalq artisti Eldar Quliyev aprelin 16-da vəfat edib. O, yanvarın 18-də 80 illik yubileyi günü infarkt keçirərək xəstəxanaya yerləşdirilmişdi.
Vida mərasimindən sonra mərhum “Qurd qapısı” qəbiristanlığında dəfn ediləcək.
Xəbər yenilənəcək.
