Gürcüstanın Baş naziri İrakli Kobaxidze Azərbaycana yeni təyin olunmuş səfir Giorgi Zakaraşvili ilə görüşüb.
Teleqraf xəbər verir ki, bu barədə Gürcüstan hökumətinin mətbuat xidməti məlumat yayıb.
Görüşdə Azərbaycan-Gürcüstan strateji tərəfdaşlığının daha da inkişaf etdirilməsində səfirin fəaliyyətinin əhəmiyyəti vurğulanıb.
Qeyd edək ki, Giorgi Zakaraşvili oktyabrın 1-dən Gürcüstanın Azərbaycandakı səfiri kimi fəaliyyətə başlayacaq.
O, 2021-ci ildən Ukraynada Gürcüstanın səfiri və GUAM-da daimi nümayəndəsi vəzifəsində çalışıb.
