Azərbaycan təmsilçisi "Sabah" bu gün Konfrans Liqasının 2-ci təsnifat mərhələsində ilk oyuna çıxıb.
QOL.az xəbər verir ki, Valdas Dambrauskasın komandası səfərdə Moldova "Petrokub"u ilə üz-üzə gəlib.
Matç Bakı təmsilçisinin 2:0 hesablı qələbəsi ilə başa çatıb. Oyunu İsraildən olan hakimlər briqadası idarə edib.
Bu komandalar arasında cavab qarşılaşması iyulun 31-də "Bank Respublika Arena"da keçiriləcək və saat 20:00-da start götürəcək.
Cütün qalibi Avropa Liqasının "Levski" (Sofiya, Bolqarıstan) - "Braqa" (Portuqaliya) cütünün məğlubu ilə görüşəcək.
Konfrans Liqası, 2-ci təsnifat mərhələsi, ilk oyunlar
24 iyul
21:00. "Petrokub" (Moldova) - "Sabah" (Azərbaycan) - 0:2
Qollar: Pavol Şafranko, 82; Kahim Parris, 90+1
Hakimlər: Qal Leiboviç, Omer Barbiro, Yossi Babayoff, Dekel Zino (İsrail)
"Zimbru" stadionu
