193 ölkəyə vizasız səfər imkanı verən Sinqapur pasportu birinci yerdədir
Londonda yerləşən “Henley & Partners” şirkətinin hazırladığı “2025 Pasport Gücü İndeksi” nəşr olunub.
Sherg.az xəbər verir ki, siyahıda Türkiyənin mövqeyi diqqət çəkib.
193 ölkəyə vizasız səfər imkanı verən Sinqapur pasportu birinci yerdədir. Onu 190 ölkə ilə Yaponiya və Cənubi Koreya izləyir. Almaniya, Fransa və İtaliya kimi Avropa ölkələri də 189 ölkəyə vizasız girişlə üst sıralardadır. ABŞ isə təxminən 20 ildən sonra 10-cu yerə geriləyib.
Türkiyə 114 ölkəyə vizasız səfər imkanı ilə 46-cı yerə yüksəlib və bu mövqeni Rusiya ilə bölüşür. Mütəxəssislər bu nəticəni Türkiyənin beynəlxalq aləmdə artan nüfuzu ilə əlaqələndirir.
BƏƏ 184 ölkəyə vizasız girişlə bölgənin ən güclü pasportuna sahibdir. Qətər və Səudiyyə Ərəbistanı da viza razılaşmaları ilə siyahıda irəliləyib.
Ekspertlərə görə, Türkiyənin pasport reytinqindəki yüksəlişi həm vətəndaşlara daha geniş hərəkət azadlığı qazandırır, həm də ölkənin qlobal təsir imkanlarının artdığını göstərir.
