Noyabrın 13-də dünyada təsdiqlənmiş koronavirusa yoluxma hallarının sayı 637 milyon 856 min 163 nəfərə çatıb.
“Report” xəbər verir ki, bu barədə hesablamanı ABŞ-ın Cons Hopkins Universiteti aparıb.
Dünyada virusun yayıldığı gündən indiyədək 6 milyon 620 min 439 nəfər COVID-19-a yoluxmanın fəsadlarından dünyasını dəyişib.
Hər 1 milyon nəfərə düşən ölüm səviyyəsi 850 nəfər təşkil edib.
30 milyondan çox yoluxma olan ölkələr arasında ABŞ, Hindistan, Fransa, Braziliya və Almaniya var.
