Laringitin əlamətləri və müalicə üsulları aşkarlanıb.
“Sherg.az” “NTV”-yə istinadən xəbər verir ki, səs ağciyərlərdən çıxan havanın səs telləri vasitəsilə titrəyişə çevrilməsi zamanı yaranır. Laringit qırtlaqın iltihabı və ya qıcıqlanması nəticəsində baş verir. Bu vəziyyətdə insanın nəfəs alması çətinləşir. Eyni zamanda danışarkən və ya udqunanda boğuq səs və boğaz ağrısına da səbəb olur.
Boğazın iltihabına çox vaxt müvəqqəti, qısamüddətli və qeyri-ciddi yanaşılır. Amma iltihab zamanı səs telləri zədələnərsə, uzunmüddətli müalicə tələb edə bilər.
Qeyd edək ki, səs boğuqluğu və iltihabı 2-3 həftədən çox davam edərsə, həkimə müraciət edilməlidir.
Laringitə səbəb olan ən çox yayılmış - sinuzit, soyuqdəymə və qrip kimi yuxarı tənəffüs yolları ilə əlaqəli xəstəliklərdir.
Ağrı, bəlğəmsiz xroniki öskürək və ya daimi boğazı təmizləmək ehtiyacı hissi, udmaqda çətinlik, qızdırma, halsızlıq kimi əlamətlərlə özünü büruzə verir.
Əksər hallarda kəskin laringit bir həftədən on günədək heç bir müalicəyə ehtiyac olmadan keçib, gedir. Ancaq səsə istirahət vermək, çoxlu maye qəbul etmək kimi tədbirlər sağalmanı sürətləndirə bilər.
Xroniki laringitin müalicəsində isə istifadə olunan dərmanları aşağıdakı kimi sıralamaq olar:
Ağrıkəsicilər: Boğaz ağrısı varsa, müalicəyə iltihab əleyhinə ağrıkəsicilər də daxil edilə bilər. Onların dozası və qəbul tezliyi həkimin tövsiyəsinə uyğun olaraq, tənzimlənməlidir.
Steroidlər: Steroid quruluşlu dərmanlar səs tellərində inkişaf edən iltihabı aradan qaldırmaqda təsirlidir.
Antibiotiklər: müalicədə faydasızdır.
Səs terapiyası: loqopedin köməyi ilə səsi necə istifadə etməyi öyrətmək məqsədi daşıyır.
