Gəncədə avtomobilin vurduğu piyada xəstəxanada ölüb.
Xəsarət alaraq xəstəxanaya yerləşdirilən 1951-ci il təvəllüdlü P.Quliyevanı xilas etmək mümkün olmayıb.
Nəqliyyat məsələləri üzrə ekspert Rauf Ağamirzəyev “Sherg.az”a açıqlamasında qeyd etdi ki, qəzalar dünyanın hər yerində baş verir:
“Əsas məsələ odur ki, qəza nəticəsində, insan ölməsin. Bunun üçün də müvafiq olaraq küçələri və tıxacı sakitləşdirən elementləri artırmaq lazımdır. Məsələn, zolaq ensizləşdirilməli, keçidlərdə təhlükəsizlik yaradıcılığı təmin olunmalı, sürət azaldılmalı və məhəllə girişləri səki səviyyəsinə qaldırılmalıdır. Bu elementlər riskləri minimumlaşdırır və qəza olduğu halda belə maddi ziyan və yüngül xəsarətlə nəticələnir. Amma küçələrimizi daha sürətli sürmək üçün stimullaşdırırıqsa, onun nəticəsi də təəssüf ki, ölümlə nəticələnəcək. Ona görə Bakıda tətbiq olunan yeni yanaşmaları Ağ şəhər, Port Baku layihəsində də görəbilərsiniz. Şəhərin Bəsti Bağırova, Ağa Nemətulla və Həsən Əliyev küçəsində həllər var. Düşünürəm ki, bu həllərin tətbiqinə bütün yaşayış məntəqələrimizdə ehtiyac var. İnsanlarımızı qorumaq naminə bunları etmək mütləqdir”.
