Sabah Türkiyənin bir çox bölgəsində temperaturun kəskin düşəcəyi, bəzi ərazilərə güclü qar yağacağı barədə xəbərdarlıq elan edilib.
Teleqraf.com Türkiyə mətbuatına istinadən xəbər verir ki, gözlənilən hava şəraiti ilə əlaqədar olaraq İstanbulun Sabiha Gökçen Hava Limanından uçuşların əksəriyyəti təxirə salınıb.
“Bütün sərnişinlərə müvafiq aviaşirkətin internet saytları və zəng mərkəzləri vasitəsilə uçuşlarla bağlı son məlumatları izləmələri tövsiyə olunur”, - deyə xəbərdarlıqda bildirilir.
