Bu, Nikol Paşinyanın “sülh gündəmini” iflasa uğratdığının və ölkəni yeni müharibəyə apardığının ictimai etiraf edirdi.
Bu sözləri Ermənistanın müxalif “Ermənistan” fraksiyasından olan deputatı İşxan Saqatelyan Baş nazir Nikol Paşinyanın ötəngünkü açıqlamaları ilə bağlı deyib.
“Üç ildir xalqımızı aldadırlar, deyirlər, sülh gətirəcəyik, amma indi deyirlər ki, alınmır, çünki Azərbaycan sülh istəmir. Amma gülməlisi odur ki, sonda Nikol deyir: biz hələ də bu yolla gedəcəyik”, - o bildirib
Mövzu ilə bağlı danışan AĞ Partiya sədrinin müavini, politoloq Əhəd Məmmədli "Sherg.az"a şərh edib ki, Paşinyan İlham Əliyevin Azərbaycan media orqanlarına verdiyi açıqlamalardan sonra yenidən qorxuya düşüb:
"Buna görə də tez-tələsik Zəngəzur dəhlizinin açılması ilə bağlı da açıqlama verib. Naxçıvandan Azərbaycanın digər hissəsinə yol verməyə də hazır olduqlarını bildiriblər. Amma o, bunun hamısının Ermənistanın nəzarəti altında olmasını da qeyd etməyi unutmayıb. Ermənistan müxalifəti də məqam tapdıqca Paşinyanın üstünə gəlir. Nikol Paşinyan rahat vəziyyətdə deyil və ona həm daxildən, həm də xaricdən təzyiqlər olunur. Paşinyan çalışır ki, Azərbaycan ilə sülh müqaviləsini tezliklə imzalasın və Ermənistan 29 min kv.km ərazinin təhlükəsizliyini təmin etsin. Paşinyan üçün ən başlıca məsələ bundan ibarətdir. Ermənistanda müxalifətdə olan revanşist qüvvələr buna görə Paşinyanın üstünə gəlir. Eyni zamanda həmin qüvvələr Qarabağı unutmaq istəmirlər və Azərbaycanı təhdid edirlər. Bunların hamısının isə gələcəkdə Ermənistanı ciddi fəlakətlərə aparacağını Paşinyan gözəl bilir. Ona görə də bütün təzyiqlərə rəğmən Ermənistanın 29 min kv.km-in qorunması şərtilə sülh müqaviləsini imzalamaq istəyir".
