2021-ci ilin 16 noyabr tarixində Rusiya Prezidenti Vladimir Putinlə iranlı həmkarı İbrahim Rəisi arasında telefon danışığı baş tutub. Belə ki, tərəflər Qarabağa dair müzakirələr aparıblar. Rusiya və İran liderləri həmçinin Əfqanıstan, Suriyadakı vəziyyəti də müzakirə ediblər. Rəsmi Kreml Kabildə sülh və sabitliyi təmin etməyə hazır olduğunu bildirib.
Telefon danışığını "Sherg.az"a şərh edən politoloq Turab Rzayev deyib ki, İranın və Rusiyanın fərqli maraqları var. Onun sözlərinə görə əsas niyyətləri Azərbaycanınsuvenerliyinə qarşı təxribatdır:
"Bəzi niyyəti yaxşı olmayan qüvvələrin ölkəmizdən tələbləri var. Azərbaycan da tələblərə əməl etmədiyinə görə təxribatlara əl atırlar. İran müharibədən həm əvvəl, həm də sonra anti-Azərbaycan mövqeyini davam etdirir. Neytral açıqlama verməyə çalışırlar. Lakin hiss olunur ki, İran hökuməti sərhəd pozulmasına qarşıdır. Rusiya ilə İranla telefon zəngləri simvolik xarakter daşıyır. Rəsmi Moskva bölgədəki fəaliyyətində özünü sərbəst aparır, şəxsi maraqları var. Regional nəzarət etmək istəyir.
Tovuz döyüşlərində, ardınca "Vətən" müharibəsində istəklərinə nail ola bilmədi. Zəngəzurda nəzarəti ələ keçirməyə çalışdı. İndi isə həm Zəngəzur dəhlizinə, həm də Azərbaycanın bütün nəqliyyat dəhlizlərini diqqətdə saxlayır. Ona görə də təxribatlarda Rusiya və ona bağlı olan "Qarabağ klanı"nın “əli” var. Paşinyanın müdafiə nazirini dəyişməsi, onu təxribatlarda günahlandırması göstərir ki, Ermənistan ordusunda hələ də "Qarabağ klanı"na məxsus zabitlər qalıb.
Həmin zabitlərin Rusiyaya bağlı olması da sirr deyil. Təxribatlara əsasən İran və Rusiyanın Azərbaycanın maraqlarına zidd olduğunu söyləmək olar”.
