Rusiya Bakı və İrəvan arasında münasibətlərin normallaşması prosesinə töhfə verməyə hazırdır.
Teleqraf xəbər verir ki, bu barədə Rusiya xarici işlər nazirinin müavini Mixail Qaluzin “İzvestiya” qəzetinə açıqlamasında bildirib.
Diplomatın sözlərinə görə, bu istiqamətdə əsas yol xəritəsi 2020 və 2022-ci illərdə Rusiya, Azərbaycan və Ermənistan liderləri arasında əldə olunan üçtərəfli razılaşmalarda müəyyən olunub.
"Biz hesab edirik ki, proses aşağıdakı sahələr üzrə davam etməlidir: sülh sazişinin hazırlanması, regionda iqtisadi əlaqələrin və nəqliyyat kommunikasiyalarının açılması, sərhədlərin delimitasiyası və sonradan demarkasiyası, vətəndaş cəmiyyətləri arasında, eləcə də Ermənistan və Azərbaycan parlamentləri arasında dialoqun təşviqi. Təbii ki, Rusiya bu üçtərəfli razılaşmaların iştirakçısı kimi gələcəkdə də onların həyata keçirilməsinə öz töhfəsini verməyə hazırdır", - o qeyd edib.
