“Ermənistanın işğalı altındakı Azərbaycan ərazilərinin azad edilməsi üçün 30 il ərzində göstərilən beynəlxalq səylər heç bir nəticə vermədi. Minsk qrupu, BMT və s. Azərbaycan işğal edilmiş torpaqlarını Ermənistandan özü geri aldı. Beləliklə, bu münaqişə bitdi”.
Bunu XI Bakı Qlobal Forumunda iştirak edən BMT Baş Assambleyasının 75-ci sessiyasının prezidenti Volkan Bozkır APA-ya müsahibəsində deyib.
“Artıq bu ərazilər geri qayıdıb, hansı ki, həmişə Azərbaycana məxsus olub. Erməni diasporu dünyada Azərbaycana zərər yetirməyə çalışır. Amma bu, sadəcə diaspor fəaliyyətidir və ciddi təsiri ola bilməz. Məsələn, onlar AŞPA-da Azərbaycan nümayəndə heyətinin iştirakını əngəlləməyə çalışırlar. Amma bunun əhəmiyyəti yoxdur və bu dəyişəcək, çünki Azərbaycanın orada olmaması AŞPA üçün itkidir. Onlar Azərbaycan üçün "darıxacaqlar". Və bir gün Azərbaycan nümayəndə heyəti yenidən öz yerinə qayıdacaq”, - türkiyəli diplomat vurğulayıb.
O, eyni zamanda, qeyd edib ki, Azərbaycan-Türkiyə dostluğunun olduğu bir dünyada heç bir qurum Türkiyə və Azərbaycana zərər verə bilməyəcək.
