Gürcüstan prezidenti Salome Zurabişvili iqamətgahından videomüraciət yayıb.
Teleqraf.com xəbər verir ki, sabah səlahiyyət müddəti başa çatacaq dövlət başçısı prezident sarayında olduğunu və burada gecələyəcəyini bildirib.
O, hamını sabah səhər saat 10:00-da saraya dəvət edərək növbəti günlər üçün planı barədə məlumat verəcəyini deyib.
“Mən sizə növbəti günlərin və qələbə günlərinin necə olacağını söyləyəcəyəm”, - S.Zurabişvili əlavə edib.
Qeyd edək ki, sabah saat 11:00-da Gürcüstanın yeni seçilmiş prezidenti Mixeil Kavelaşvilinin ölkə parlamentinin binasında andiçmə mərasimi keçiriləcək. O, mərasimdən iki gün sonra rəsmi olaraq vəzifəsinin icrasına başlayacaq.
