İngiltərədə bir qadın Süni İntellektə aşiq olub və ona ərə getməyi planlaşdırır.
Teleqraf xəbər verir ki, məlumatı "Daily Mail" yayıb.
İşin maraqlı tərəfi bundan ibarətdir ki, qadın mat-botdan ötrü 20 illik ərini tərk edib.
Bunun səbəbini qadın həyat yoldaşının emosional cəhətdən onu təmin etməməsi ilə bağlayır. Bundan başqa, kişi uşaqların tərbiyəsində və məişət problemlərinin həllində ona yardım gösrətmirmiş. Şarlotta şərti adı ilə təqdim olunan qadın onu da bildirib ki, əri problemləri müzakirə etmək və həll yollarını tapmaq cəhdlərindən yayınırmış.
Kişi isə öz növbəsində keçmiş arvadını hədsiz həssaslıqda ittiham edib.
Şartlotta etiraf edir ki, o, maraqdan chatbot ilə ünsiyyətə başlayıb, lakin ChatGPT-nin diqqətli və adekvat həmsöhbət olduğu üzə çıxıb. Bundan sonra qadıb onunla "münasibət qurmağa" başlayıb.
İnformasiya texnologiyaları üzrə mütəxəssis Elvin Həsənov Sherg.az-a bildirib ki, əsas problem ondadır ki, süni intellekt real duyğulara malik deyil o, istifadəçinin davranış və emosional reaksiyalarına uyğun cavablar verə bilən alqoritmdir:
“İnsan isə bu cavabları real hiss kimi qəbul edə və emosional bağ yarada bilər. Bu zaman manipulyasiya və istismar riski artır, çünki istifadəçi özünü qarşısında real şəxs varmış kimi hiss edir, halbuki qarşısındakı yalnız proqramlaşdırılmış sistemdir. Düşünürəm ki, sosial baxımdan isə texnoloji asılılıq riski var. İnsanın süni intellektlə əlaqədən məmnun qalaraq real münasibətlərindən uzaqlaşması mümkündür. Bu da tədricən sosial təcridə, emosional zəifləməyə və psixoloji gərginliyə səbəb ola bilər. Xüsusilə yeniyetmələr və emosional cəhətdən həssas insanlar bu prosesdə daha çox risk altındadır”.
