5 dollarlıq əskinaslarda Çarlz əks olunmayacaq?

Yusif Nəzərli 06:40 04.02.2023 Tarix 1526

Kraliçanın ölümü çox şeyləri dəyişdi. Avstrailya hökuməti Böyük Britaniyaya meydan oxumağa başlayıb. İngiltərə Birləşmiş Krallığının kraliçası II Elizabeth vəfat etdikdən sonra Böyük Britaniyanın müstəmləkəsi olmuş ölkələrdə mərkəzdənqaçma meyilləri müşahidə edilməyə başlayıb. İngiltərə müstəmləkəsi olmuş Avstraliyada da bu hiss olunur. Avstraliyanın Baş naziri Entoni Abanesenin rəhbərlik etdiyi Sol İşçi Partiyası hökuməti yeni 5 dollarlıq əskinaslarda III Çarlzın deyil, yerli xalqın nümayəndələrinin əks olunmasına qərar verib. Yerli xalqın nümayəndələrinin əksi olan əskinas modeli baş nazir tərəfindən bəyənilib və buraxılmasna icazə də verilib. Bu qərarı ölkədə təpki ilə qarşılayanlar da var və onlar bu dəyişikliyi mərkəzdən yayınma kimi qymətləndirir. Avstraliya Mərkəzi Bankı da yeni 5 dollarlıq əskinazların çapına müsbət rəy verib. Bildirilir ki, hökumətin əskinasların üzərindəki fotonun dəyişdirilməsi qərarı avstraliyalıların mədəniyyəti və tarixini şərəfləndirir. Liberal Partiya lideri Peter Dutton isə dəyişikliyi “dəlilik” adlandırıb. Yaşıl Partiya üzvləri isə dəyişikliyi dəstəkləyir və bunu “müstəmləkə bağlarının qoparılması” hesab edirlər.