Fransada İngiltərə tarixinin ən nüfuzlu monarxlarından biri olan Eduard Etirafçının nadir mum möhürü aşkar edilib.
Lent.az xarici mediaya istinadla məlumat verir ki, rəsmi olaraq 1980-ci illərdən bəri itmiş hesab olunan artefaktı Paris Milli arxivində bir aspirant kuratoru ilə birlikdə tapıb. Məlum olub ki, möhür hələ XVIII əsrdə "zədələnmiş sənədlər" şöbəsinə yerləşdirilibmiş və onilliklər boyu orada qalıb. Tədqiqatçıların sözlərinə görə, tapıntı ayrı-ayrı möhürlər bölməsində iş zamanı üzə çıxıb.
Tarixi əhəmiyyəti
Eduard Etirafçı 1042-1066-cı illərdə İngiltərəni idarə edib və kilsə tərəfindən kanonizasiya edilmiş (müqəddəs elan olunmuş) azsaylı ingilis krallarından biridir.
“Bu, Eduardın istifadə etdiyi məlum olan üç möhür arasında şübhəsiz ki, ən yaxşı qorunub saxlanılanıdır; onun itməsi beynəlxalq tarixçilər arasında böyük narahatlığa səbəb olmuşdu”, - Ekseter Universitetindən bildiriblər.
В Париже нашли сокровище легендарного короля: оно исчезло почти полвека назад
Gizli bərpa və Bizans izləri
Orta əsrlər tarixi üzrə professor Levi Rouç qeyd edib ki, artefakt sadəcə qorunub saxlanılmayıb, həm də “gizli şəkildə” bərpa edilib. 1950-ci illərin fotoları ilə indiki vəziyyəti müqayisə edən professor, ötən əsrin 80-ci və ya 90-cı illərində aparılmış bərpa işlərinin izlərini görüb.
"Onu bərpa edən şəxs, görünür, möhürün itmiş hesab olunduğundan xəbərsiz olub!" - professor vurğulayıb.
Alimlərin fikrincə, möhürün dizaynı İngiltərənin Bizans və kontinental Avropa ilə hesab edildiyindən daha sıx əlaqələrə malik olduğunu sübut edir. Mum üzərində Bizans elementləri, xüsusən də "basilevs" (Bizans imperatorlarının rəsmi titulu olan qədim yunan sözü) titulunun istifadəsi aydın görünür. İkonoqrafiya həmçinin göstərir ki, mədəni təsirlər cəmi bir onillik ərzində birbaşa Bizansdan İngiltərəyə çatırmış.
