Trendyol Super Liqasının 20-ci həftəsində "Fənərbaxça" "Adana Dəmirspor"la qarşılaşacaq.
Sherg.az xəbər verir ki, "Sarı-göylülərin" çalışdırıcısı Joze Mourinyo matçdan əvvəl açıqlamalar verib.
Portuqaliyalı çalışdırıcı komandası haqqında deyib:
"Qələbə qazanmaq istəyirik. Bunun üçün mübarizə aparırıq. Qələbə qazanmaq üçün meydanda tarazlı olmaq istəyirik. Rəqibə böyük hörmətimiz var. Onların son nəticələri buna sübutdur. Aşağı pillələrdə olan komandalar xal alırlar. Üst sıralarda olan komandalarımızla hər həftə xal fərqini azaltma şansımız var".
Portuqaliyalı çalışdırıcı "Beşiktaş"ın yeni baş məşqçisi Ole Qunnar Solskjaer haqqında da danışıb:
"Açığı, "Beşiktaş"ın əvvəlki məşqçisi də belə idi, Covanni də önəmli isimdi. O, önəmli klublarda çalışıb. Yeni məşqçisi də prestijli, səviyyəli insandır. Yüksək səviyyədə işləyirdi. Təkcə məşqçi deyil, həm də oyunçu kimi xüsusi idi. Mən onu salamlayıram. Ole Qunnar Solskjaer “Beşiktaş”a töhfə verəcək”.
