Texnologiya nəhəngi Apple, yaxın vaxtlarda Türkiyə bazarına yeni "iPhone" modelini təqdim edəcək. Güclü xüsusiyyətləri və münasib qiyməti ilə diqqət çəkən yeni modelin Türkiyədə böyük maraq görməsi gözlənilir.
Milli.Az-ın "Shift Delete"yə istinadən verdiyi məlumata görə, "iPhone SE 4"ün 2025-ci ilin ilk aylarında təqdim edilməsi gözlənilir.
Belə ki, "iPhone SE 4" 400 dollardan (14,134 tl) başlayan qiymətlərlə satışa çıxarılacaq.
Telefonun xüsusiyyətləri
Dördüncü nəsil "iPhone SE", 6,06 düymlük LED ekran, "Apple A18" prosessoru və 8 GB RAM ilə diqqət çəkir. Həmçinin, cihazda "Apple"ın özünün inkişaf etdirdiyi 5G modeminin istifadə edilməsi, qiymətin aşağı olmasının əsas səbəblərindən biri kimi önə çıxır. ABŞ-də satışa çıxarılan "iPhone 16"nın qiyməti 799 dollar olaraq açıqlanarkən, "iPhone SE 4"ün bu münasib qiyməti ilə geniş bir istifadəçi kütləsinə hitap etməsi gözlənilir.
