Çinin "Chang'e-6" missiyası tərəfindən Ayın uzaq tərəfindən toplanan nümunələr ilk dəfə ictimaiyyətə təqdim olunur.
Sherg.az xəbər verir ki, 15-ci Çin Beynəlxalq Aerokosmik Sərgisində nümayiş etdirilən bu 75 mq-lıq Ay torpağı parçası planetin ən qədim və ən dərin kraterindən toplanıb. Sərgi Ayın təkamülü və onun resurslarının aşkar edilməsi baxımından böyük əhəmiyyət kəsb edir.
Sərgidə həmçinin Chang'e 6 geri dönüş kapsulu, Ay nümunələrini Yerə çatdıran paraşüt və Ay torpağını toplamaq üçün istifadə edilən möhürlənmiş konteyner də var.
Bu nümunələr unikal elmi əhəmiyyətə malikdir, çünki onlar Ayın təkamülünü daha yaxşı başa düşməyə imkan verəcək, Ay resurslarının dinc kəşfiyyatını və istifadəsini sürətləndirəcək və bütün bəşəriyyət üçün əhəmiyyətli dəyərə malik olacaqdır.
“Airshow China” kimi tanınan tədbir 12-17 noyabr tarixlərində Çinin cənubundakı Quanqdonq əyalətinin Çjuhay şəhərində keçiriləcək.
