
Türkiyə NATO-nun Qara dənizə çıxışını bloklayır
Yusif Nəzərli
10:30 01.06.2022
Cəmiyyət
598
Ankara bununla Ukrayna-Rusiya savaşının Qərb-Rusiya müharibəsinə çevrilməsinin qarşısını alır
Türkiyə hökuməti NATO-nun Qara dənizdə bəzi hərbi təlmlərinin ləğv edilməsi və təxirə salınması ilə bağlı qərar verib. Bunu Türkiyənin Xarici işlər naziri Mövlud Çavuşoğlu deyib. Çavuşoğlu Ankaranın bu addımını hərbi gəmilərinin Qara dənizdə lövbər salmasını qadağan edən Montrö Konvensiyasının müddəaları ilə izah edib. Nazir bildirib ki, konvensiya Türkiyəyə istisna hallarda Bosfor və Dardanel boğazlarından hərbi gəmilərin keçidinə tam qadağa tətbiq etmək hüququnu verir.

Ankaranın qərarını “Şərq”ə dəyərləndirən AĞ Partiyanın sədr müavini Əhəd Məmmədli deyib ki, Türkiyə ilk növbədə çalışır ki, Qara dəniz hövzəsində vəziyyət gərgin müstəviyə keçməsin. Partiya funksioneri bildirib ki, Rusiya-Ukrayna müharibə şəraitindədir və hər iki ölkənin Qara dənizə çıxışı var:
“Eyni zamanda NATO ölkələri də Qara dənizdən istifadə etmək hüququna malikdir. İndiki məqamda Türkiyənin ehtiyatlı davranması, Rusiya hərbi gəmiləri ilə paralel Qərb ölkələrinə məxsus gəmilərin də hərəkətinə şərait yaratmaması təqdirəlayiq olmaqla yanaşı, həm də zəruridir. Digər dövlətlər də Türkiyə qədər təmkinli və məsuliyyətli davransaydı, gərginlik bu həddə çatmazdı.
Türkiyə birmənalı olaraq Ukrayna-Rusiya savaşının Qərb-Rusiya müharibəsinə çevrilməsinin qarşısını alır. Ankara hökuməti bu addımı ilə eyni zamanda ikili mövqe nümayiş etdirən, qərəzli yanaşma sərgiləyən NATO və Avropa ölkələrinə də mesaj verir.
Son günlər Qərb dövlətləri Yunanıstanı yenidən silahlandırırlar. Türkiyəyə qarşı Afinadan təhdid mesajları səsləndirilir. Ümumiyyətlə, son dönəmlər Türkiyə əleyhinə ən sərt addımlar atan ABŞ başda olmaqla NATO ölkələridir. Terrorçu PKK da məhz bu dövlətlərin əliylə maddi və hərbi yardım alır. Türkiyə bu qərarı ilə “müttəfiqlərinə” demarş edir.
Son dönəmdə müşahidə olunan məqamlardan biri də Türkiyə-Rusiya arasında yaxın əməkdaşlığın strateji müttəfiqlik səviyyəsinə qalxmasıdır. Əlbəttə ki, burada qardaş Türkiyənin də öz dövlət və millət maraqları var”.
Oxşar xəbərlər
Xəbər lenti
Hamısına bax
Başına top dəyən futbolçu öldü
19:42 16.11.2026
Futbol
Putin APEC sammitindən dərhal sonra Tacikistana gedəcək
19:34 16.11.2026
Aktual
Tramp Çində Putin və Si Cinpinlə görüşəcəyini təsdiqləyib
19:26 16.11.2026
Aktual
COP31-in sədri Azərbaycan pavilyonunu ziyarət etdi
19:18 16.11.2026
Gündəm
Britaniya nəşri hazırda İranı kimlərin idarə etdiyini açıqladı
19:11 16.11.2026
Dünya
Tramp Çində Putinlə yanaşı Kim Çen Inla da görüşə bilər
18:47 16.11.2026
Dünya
Azərbaycan bu beynəlxalq şuranın üzvü seçildi
18:45 16.11.2026
Gündəm
Gəncədə 42 yaşlı kişi 4-cü mərtəbədən yıxılıb
18:39 16.11.2026
Hadisə
Dolların mövqeyi zəifləyir, manat güclənir - İZAH
18:28 16.11.2026
İqtisadiyyat
Bakı-London iqtisadi tərəfdaşlığı genişlənir - TƏHLİL
18:09 16.11.2026
Gündəm
Aİ Ukraynaya silah tədarükü üçün 1,76 milyard avro ayırdı
18:03 16.11.2026
Dünya
Bakıda bal yarmarkasının tarixi və yeri dəyişdirildi
17:58 16.11.2026
Sosial
Hörmüz boğazında daha bir neft tankeri minaya düşüb
17:49 16.11.2026
Dünya
Narkoloji müayinəyə dair yeni tələb müəyyənləşir
17:47 16.11.2026
Sosial
İran və Pakistan XİN rəhbərləri görüşdü
17:21 16.11.2026
Dünya