Türkiyənin Eskişəhir bölgəsində polisin şübhələnib şəxsiyyətini yoxlamaq istədiyi bir şəxs, üst keçiddən aşağı atılıb. Ağır yaralanan şəxs xəstəxanaya çatdırılıb.
Sherg.az xəbər verir ki, hadisə səhər saatlarında Kartal Dairəsinin yuxarı hissəsində baş verib.
1-ci Əsas Hərbi Hava Bazasının yaxınlığında yerləşən dairədə gözləyən Ahməd H. Ş.-dən şübhələnən mülki polis qrupları şəxsiyyət vəsiqəsi sorğusu aparmaq üçün onun yanına gedib.
Polisin yaxınlaşdığını görən şəxs panikaya düşərək körpüdən aşağı, yola atılıb.
Bu zaman o, çevrə yolunun Ankara istiqamətində hərəkət edən 26 AEB 114 dövlət nömrə nişanlı avtomobilin ön şüşəsinə düşərək ağır yaralanıb.
Yaralı, hadisə yerinə gələn 112 Təcili Tibbi Yardım qrupları tərəfindən Eskişehir Şəhər xəstəxanasına aparılıb.
Hadisədən sonra yaralı şübhəli barəsində genişmiqyaslı araşdırmaya başlanıldığı bildirilir.
