“İranın nüvə proqramı ABŞ-nin İslam Respublikası ilə qarşıdurmanı davam etdirməsi üçün sadəcə bəhanədir”.
Teleqraf xəbər verir ki, bunu İranın Ali dini rəhbəri Əli Xamenei deyib.
“Nüvə problemi, uranın zənginləşdirilməsi, insan haqları və bu kimi adlandırdıqları şeylər sadəcə bəhanədir. Əslində onlar bizim inancımız və təlimimizlə razılaşmırlar”, - İran lideri bildirib.
Xatırladaq ki, ABŞ Prezidenti Donald Tramp bundan əvvəl İranın nüvə obyektlərini bərpa etmək cəhdləri olarsa, onlara yeni zərbə endirməyə hazır olduğunu bəyan edib.
