Türkiyənin paytaxtı Ankarada TUSAŞ-ın istehsal obyektində baş verən terror aktı nəticəsində ölənlərin sayı beşə çatıb, 22 nəfər yaralanıb. Bu barədə Türkiyə Daxili İşlər Nazirliyinin rəhbəri Ali Yerlikaya "TRT Haber" telekanalının efirində bildirib. Nazir bildirib ki, terror aktı nəticəsində ölənlərin sayı beşə çatıb, yaralananların ümumi sayı 22 nəfərdir, onlardan üçü xəstəxanadan buraxılıb. İlkin məlumatlara görə, hücumu ölkədə qadağan olunmuş Kürdüstan Fəhlə Partiyasının (PKK) üzvləri həyata keçiriblər.
Qafqaz Strateji Araşdırmalar Mərkəzinin sədri, politoloq Hasan Oktay “Sherg.az”a söyləyib ki, Türkiyə böyük bir terraktla sarsıldı:
“Ankaranın Kazan rayonu sərhədləri daxilində yerləşən TASUŞ şirkətinə edilən hücum çoxməqsədli hücum kimi çox danışılacaq. Əvvəla, bunun MHP sədri Dövlət Baxçalının açıqlamasına reaksiya olaraq baş verdiyi vurğulanır. Lakin Devlet Baxçelinin PKK liderinin həbsdən çıxması ilə bağlı çıxışında PKK-nın maraqlarına zidd heç nə görünmür. Digər tərəfdən Bahçelinin çıxışından bir gün sonra belə bir hərəkətin planlaşdırılması, kəşfiyyat işi aparılması, silah-sursatın bir araya gətirilməsi çox çətin bir mərhələ tələb edir. Yəni zaman baxımından bu hərəkət Bahçelinin çıxışına o qədər də uyğun deyil. Bu zəif ehtimaldan başqa hərəkətin ən azı üç istiqaməti ola bilər. Birincisi Türkiyənin Tatarıstanda baş tutan BRICS görüşünə qatıldığı üçün Rəcəb Tayyib Ərdoğana xəbərdarlıq edilə bilər. Digər tərəfdən Putinin öz əlini istədiyi kimi gücləndirmək üçün PKK və Rusiya kəşfiyyatı ilə birlikdə həyata keçirməsi ehtimalını da nəzərdən qaçırmamalıyıq. Üçüncü ehtimal isə İsrail kəşfiyyatının HƏMAS-ın 7 oktyabr 2023-cü ildə İsrailə hücumuna əsaslanaraq, bölgədə baş verən proseslərə, Türkiyənin Həmas və Hizbullaha münasibətinə cavab olaraq bu hücumu həyata keçirməsidir. Hadisənin arxasında İsrail və Rusiyanın axtarılması həll edilməli olan mühüm məsələdir. Ümumiyyətlə 7 oktyabr hücumundan sonra PKK Şimali İraqda Türkiyəyə qarşı iki böyük forpost hücumu həyata keçirdi. Lakin bu hərəkətlər zaman və üsul baxımından PKK-nın fəaliyyət statistikasına zidd görünür. Yəni PKK-nın sifarişlə Türkiyəyə qarşı iki aksiya keçirməsi ehtimalı gündəmə gəlir. Bu iki hərəkəti Kazanda həyata keçirilən aksiya ilə birləşdirdikdə aydın olur ki, logistika və kəşfiyyatın Moskva, insan qaynaqlarının isə PKK tərəfindən təmin edildiyi bir hərəkət modeli ilə qarşı-qarşıyayıq. Rusiya nöqteyi-nəzərindən baxdıqda, bu baxış çox zəif olsa da və əlavə araşdırmaya ehtiyac duyulsa da, hərəkətin xarakterini aksiyada iştirak və hədəf aldığı auditoriyaya diqqət etdikdə Qızıl Aypara və küçə hücumunun TAG adlı bir təşkilat tərəfindən edilən hücumlarla üst-üstə düşdüyünü müşahidə edirik”.
