DAK-ın İdarə Heyətinin iclasında təşkilatın gücləndirilməsindən danışılıb
Dünən Dünya Azərbaycanlıları Konqresi (DAK) İdarə Heyətinin və Bakı təmsilçiliyinin üzvlərinin iştirakı ilə genişləndirilmiş yığıncaq keçirilib. DAK həmsədri, millət vəkili Sabir Rüstəmxanlı öz nitqində bölgədəki geopolitik durumdan və DAK qarşısında duran vəzifələrdən bəhs ediblər. DAK-ın İdarə Heyətinin üzvü, konqresin Güney Azərbaycan təmsilçisi Babək Muğanlı, İdarə Heyətinin üzvləri Zəlimxan Məmmədli, Adil Minbaşı, Xəzər Emin, DAK-ın Avropa üzrə təmsilçisi Əli Hacı Ağaevli və digərləri çıxış edərək İranda genişlənən xalq hərəkatı fonunda Güney Azərbaycanın üzləşəcəyi problemlərdən və bu hərəkata dəstəyin vacibliyindən danışıblar.
Çıxışlarda DAK-ın gəncləşməsi, İdarə Heyətinin fəaliyyətinin genişləndirilməsi, təşkilatın proseslərə çevik reaksiya verməsi haqda təkliflər səslənib.
DAK həmsədri, millət vəkili Sabir Rüstəmxanlı yekun çıxışında indiki dönəmdə Güney Azərbaycan hərəkatı ilə bir yerdə olmağın zəruriliyindən, təşkilatın güclənməsi üçün İdarə Heyətinin görəcəyi işlərdən danışıb.
