Ukraynalı hərbi əsirlərin olduğu Rusiyanın İl-76 təyyarəsi ABŞ-nin "Patriot" hava hücumundan müdafiə sistemi ilə vurulmuş ola bilər.
APA-nın Rusiya bürosu “RİA Novosti“yə istinadən xəbər verir ki, bu barədə "France info" radiosu hərbi mənbəyə istinadən məlumat yayıb.
“İl-76 təyyarəsi Ukrayna ordusunun sərəncamında olan ABŞ istehsalı olan “Patriot” hava hücumundan müdafiə sistemi ilə vurulub”, - deyə məlumatda bildirilib.
Qeyd edək ki, Rusiyanın "İl-76” təyyarəsi yanvarın 24-də Belqorod səmasında vurulub, təyyarədə olan 74 nəfərin hamısı həlak olub. Rusiya təyyarədəkilərdən 65-nin ukraynalı hərbi əsir olduğunu açıqlayıb. Əsirlər dəyişdirilmək üçün gətirilirmiş.
