Kollektiv Təhlükəsizlik Müqaviləsi Təşkilatına (KTMT) üzv ölkələrin müdafiə nazirləri Minskdə hərbi təhlükəsizliyə təhdidləri və fövqəladə hallarda yaranan böhran vəziyyətinə cavab tədbirlərinin təkmilləşdirilməsini müzakirə edəcəklər.
APA xəbər verir ki, bu barədə KTMT-nin mətbuat katibi Vladimir Zaynetdinov bildirib.
“Təşkilatın təhlükəsizlik sisteminin qüvvə və vasitələrinin birgə hazırlığı, hərbi-texniki əməkdaşlığa dair sənədlərə də baxılması planlaşdırılır”, - deyə Zaynetdinov qeyd edib.
