Macarıstanın keçmiş baş naziri Viktor Orbanın ailəsi xaricə köçüb və ölkədəki aktivlərini azaltmağa başlayıb.
Sherg.az Globalinfo.az-a istinadən xəbər verir ki, siyasətçinin qızı Reyçel Orban, əri İştvan Tiborç və uşaqları ABŞ-da qısa müddət qaldıqdan sonra Londonun nüfuzlu Covent Garden rayonunda məskunlaşıblar. Cütlüyün övladları artıq Böyük Britaniyadakı özəl məktəblərə qəbul olunublar.
Mənbələr bu köçü ABŞ-dakı dəyişən siyasi mühit və Viktor Orbanın müttəfiqi olan Donald Trampın mövqelərinin zəifləməsi ilə əlaqələndirirlər.
Bildirilir ki, Orbanın qohumları ABŞ-da qalmağı riskli hesab edib və qalan işlərini həll etməyin daha rahat olacağı Londonu seçiblər. Eyni zamanda, Macarıstandakı ailə aktivlərinin kütləvi şəkildə satıldığı və ölkədəki varlığın minimuma endirildiyi bildirilir.
Bu hadisə Macarıstanın biznes elitası arasında da narahatlıq yaradıb. Nəşrin məlumatına görə, keçmiş hökumətlə əlaqəli bəzi şəxslər “Pegasus” casus proqramı ilə mümkün izlənmələrdən ehtiyat edərək təhlükəsizlik tədbiri kimi Amerika telefon nömrələrinə keçirlər.
