“...Emənilərin qonşu dövlətlərlə sakit və rahat yaşamaq qabiliyyətləri yoxdur”
Xəbər verdiyimiz kimi, Prezident İlham Əliyev Xocasəndə şəhid ailələri və müharibə əlillərinə mənzillərin və avtomobillərin təqdim edilməsi mərasimində iştirak edib. Cənab Prezident qeyd edib ki, bizim doğma torpağımız Zəngəzurdur, Göyçə mahalıdır, İrəvandır:
“İyulun 7-də imzaladığım Fərman əsasında Qarabağ iqtisadi zonası yaradıldı, vəssalam. Bütün Qarabağa aid olan rayonlar orada birləşib. Şərqi Zəngəzur iqtisadi zonası yaradılıb. İndi Ermənistanda bu məsələ ilə bağlı isterikaya qapılırlar. Buna ehtiyac yoxdur, Şərqi Zəngəzur bizim tarixi torpağımızdır, Qərbi Zəngəzur bizim tarixi torpağımızdır”.
Ölkə başçısının bu cür mesajlar verməsinin uğurlu hal olduğunu söyləyən tarixçi-alim Nəsiman Yaqublunun sözlərinə görə, bu açıqlama ilə bütün dünyaya çatdırırıq ki, tarixi torpaqlarımız hər zaman qoruyacağıq:
“Eyni zamanda vaxtilə ermənilərin əldə etdiyi torpaqlar uğrunda mübarizəmizi hüquqi müstəvidə davam etdirəcəyik. Problemlər bizdən asılı olmadan yaranıb. Ona görə də problemlərin törədilməsinə dair həqiqətləri dünya ictimaiyyətinə çatdırmalıyıq. Bilsinlər ki, yaradılan Ermənistan dövləti hansısa dövlətlərin marağı çərçivəsində yaranıb. Yəni həmin torpaqlar ermənilərin əsli-kökü olan torpaqlar deyil. Bir sözlə, Şərqi və Qərbi Zəngəzur Azərbaycan torpaqlarıdır, qədim azərbaycanlıların yaşadığı yurddur. Sadəcə olaraq proseslərdən istifadə edən ermənilər bizim torpaqlarımızda özlərinə “dövlət” qurub, bu gün də qonşu dövlətlərin torpaqlarını almaq siyasətini davam etdirirlər. Prezidentin söyləydikləri həm də dünya ictimaiyyətinə bir mesajdır ki, ermənilərin qonşu dövlətlərlə sakit və rahat yaşamaq qabiliyyətləri yoxdur. Torpaqlarımızın işğaldan azad edilməsi, yeni sturukturların yaradılıması və yeni inkişaf perspektivləri müəyyənləşdirilir. Bütün bunlar inkişafımıza doğru gedən uğurlu addımlardır”.
