Dekabrın 7-si saat 12:45 radələrində Azərbaycan Ordusunun Kəlbəcər rayonunun Ağqaya yaşayış məntəqəsi istiqamətində yerləşən mövqeyi atəşə tutulub. Bununla bağlı Azərbaycan Müdafiə Nazirliyi məlumat yayıb. Xəbərdə deyilir ki, növbəti təxribat Rusiya sülhməramlı kontingentinin müvəqqəti yerləşdiyi Azərbaycan ərazisində olan qeyri-qanuni erməni silahlı dəstələrinin üzvləri tərəfindən həyata keçkirlib. Ordumuzun bölmələri adekvat cavab tədbirləri görüb.
Vəziyyəti dəyərləndirən Hərbi ekspert Emin Həsənli “Sherg.az”a bildirib ki, düşmən danışıqlara əhəmiyyət vermir, heç vaxt öz üzərinə götürdüyü öhdəliyi yerinə yetirmir:
“Ermənilərin anladığı bir dil var, oda " Dəmir yumruqdur". Son 30 ildir ki, düzəlmirlər, bu xəstəlik davam edir. Terrora, separatizmə meyillidirlər. Artıq bunu dövlət siyasətinə çeviriblər. Qərb və cənub qonşumuzdan dəstək alırlar. Bəzən Rusiya sülhməramlıları da onların fəaliyyətinə göz yumaraq, öz işlərini düzgün yerinə yetirmirlər.
Ədalətli iradə ortaya qoysalar, separatizm məhv olar. Azərbaycan ictimayyətinin düşünür və tələb edir ki, antiterror əməliyyatları keçirib, bütün qanunsuz silahlı birləşmələri Qarabağdan çıxarmaq lazımdır. Qazaxdan, Naxçıvana qədər Ermənistan ərazisində bufer zona yaradılmalıdır. Qardaş Türkiyənin Suriya da tətbiq etdiyi kimi biz də bu sayaq işlərə başlamalıyıq.
Əks halda düşmən öhdəliklərini yerinə yetirməyəcək. Təxribatlara davam edərək, mövqeylərimizi davamlı atəşə tutacaq”.
Şərqiyyə NƏBİ
