Azərbaycanda bir sıra tibb müəssisələri birləşdirilib.
Oxu.Az xəbər verir ki, bəzi tibb müəssisələrinin birləşdirilməsi və xəstəxanaların iş prinsipinin yenidən təşkil edilməsi prosesi davam etdirilir.
Belə ki, “Bakı Baş Səhiyyə Mərkəzi” Publik Hüquqi Şəxs “21 nömrəli Birləşmiş Şəhər Xəstəxanası” Publik Hüquqi Şəxs, “31 nömrəli Birləşmiş Şəhər Xəstəxanası” Publik Hüquqi Şəxs, “Bakı Şəhər Təcili və Təxirəsalınmaz Tibbi Yardım Stansiyası” Publik Hüquqi Şəxs, Yazıçılar poliklinikası, habelə 9 nömrəli Birləşmiş Şəhər Xəstəxanası hüquqi şəxslərin ona qoşulması ilə yenidən təşkil edilib.
Xatırladaq ki, daha əvvəl Topçubaşov adına Elmi Cərrahiyyə Mərkəzi Xüsusiləşdirilmiş Angioloji Mərkəzin ona qoşulması ilə yenidən təşkil olunub. Eyni zamanda K.Y.Fərəcov adına Elmi-Tədqiqat Pediatriya İnstitutu Uşaq Nevroloji Xəstəxanası və 6 nömrəli Uşaq Klinik Xəstəxanasının ona qoşulması ilə yenidən təşkil edilib.
Qeyd edək ki, Azərbaycanda bir çox tibb müəssisəsinin birləşdirilməsi ilə bağlı da məlumat yayılmışdı.
