''Qafqaz İslam Ordusunun Bakını işğalçılardan azad etməsinin 100-cü il dönümünə dair ölkəmizdə keçirilən hərbi paraddan sonra işğalçı Ermənistan qorxuya düşüb''.
Bunu ''Sherg.az''a millət vəkili Tahir Kərimli bildirib.
Deputatın sözlərinəgörə, indiyə qədər təşkil olunan bütün hərbi paradlar gücümüzün aynasıdır:
'Prezident İlham Əliyev cənub bölgəsinə səfəri zamanı qeyd etdi ki, sentyabrın 15-də Babakının azad olunmasının 100 iliyi ilə bağlı keçirilən parad düşmənə ən sarsıdıcı cavabdır. Bu həqiqətən də elədir. Bir neçə erməni kanallarında verlişlərə baxırıq. Orada olan parada da fikir veririk. Lakin bizdə olan paradda nizam-intizam, hazırlıq, hərbi texnikalarımız heç müqayisə olacaq səviyyədə deyil.
Doğrudan da son paradlar Ermənistana tutarlı cavab oldu. Ermənistan bəzi xristian dövlətlərinə, Rusiyaya arxalanır. Onun baş naziri sərsəm bəyanatlar verir. Ancaq hər halda Azərbaycan öz gücünü 10 dəfə artırıb. Torpaqlarımızı silah gücü ilə azad edə bilməyimizə heç kimin şübhəsi yoxdur. Bu səbəbdən də erməni baş nazir Nikol Paşinyan Fransanın prezidentinə şikayətlənir. Ölkəsində sabitlik yoxdur. Azərbaycan ordusu son dövrlərdə çox güclü hazırlıq təlimləri keçib, müasir silahlarla təmin olunub. Ali baş komandan İlham Əliyev bildirib ki, orduya lazımi qədər vəsait ayrılacaq, yeni-yeni hərbi texnika ilə təhciz olunacaq. Azərbaycan ordusu gücünə görə, 190 dövlət içərisində 53-cü yerdədir.Və düşünürəm ki, hər il ölkəmiz bu istiqamətdə bir neçə pillə irəliləyir. Keçirilən möhtəşəm paradlar gücümüzün təzahürü olması ilə yanaşı Türkiyə-Azərbaycan qardaşlığının da göstəricisidir. Təsadüfi deyil ki, bu paradlar Ermənistan parlamentində müzakirə olundu. Deyə bilərəm ki, artıq düşmən qorxu içərisindədir''.
Kənan Eynuroğlu
