Belçika müsəlmanlarının İcraiyyə Şurası (The Executive of Belgium Muslims - EMB) və Belçika Müsəlman Təşkilatlarını Əlaqələndirmə Şurası (The Coordination Council of Muslim Institutions of Belgium - CIB) cümə günü Yeni Zelandiyanın Kraystçörç şəhərindəki məscidə hücumu qətiyyətlə pisləyən bəyanatlar qəbul ediblər.
AZƏRTAC xəbər verir ki, hər iki təşkilat hakimiyyət orqanları tərəfindən Avropada islamofobiyanın cilovlanması üçün yetərli tədbirlər görülmədiyini və bunun nəticəsində müsəlmanlara nifrətin illər boyu artmasını pisləyib. Bu təşkilatların fikrincə, avropalı qanunvericilər antisemitizm və irqçilik barəsində olduğu kimi, islamofobiyanın da cinayətə bərabər tutulması üçün addımlar atmalıdırlar.
