ABŞ-ın “Microsoft” şirkəti “Internet Explorer 11” brauzerini dəstəkləməyi dayandırır. IT nəhəngi bu barədə mayın 19-da qərar qəbul edib.
Bununla belə brauzer hələlik “Windows” əməliyyat sisteminin bəzi versiyalarında işləyəcək.
Şirkət qərarını onunla izah edib ki, “Microsoft”un digər layihəsi, 2015-ci ildə istifadəyə verilmiş “Edge” “Internet Explorer 11”in əsas funksiyalarına malikdir, bundan əlavə köhnə və müasir veb-saytlar, tətbiqlər üçün dəstək göstərməyə qadirdir.
“Microsoft Edge” bu və digər funksiyaları öz üzərinə götürə bildiyinə görə, “Internet Explorer 11”in fəaliyyəti dayandırılacaq, ona texniki dəstək isə 2022-ci il iyunun 15-də başa çatacaq”, - deyə şirkətin açıqlamasında deyilir.
Şirkət brauzerin fəaliyyətinin dayandırılmasından bir il əvvəl brauzerin bütün istifadəçilərinə bildiriş göndərəcək.
Mənbə: Mk.ru
