"Amnesty İnternational” təşkilatı Avropa Liqasının finalının Azərbaycanda keçirilməsini pisləyib. Təşkilat bunu ölkədə insan haqlarının vəziyyəti ilə əlaqələndirib.
Məlumdur ki, "Amnesty İnternational” təşkilatı korrupsiyada adı hallanan, sifariş yerinə yetirən qurum imici qazanıb. Təşkilat ayrı-ayrı maraqlı xarici qüvvələrin əlində müstəqil siyasət yürüdən ölkələrə qarşı təzyiq vasitəsi funksiyasını yerinə yetirir.
Millət vəkili Asim Mollazadə "Sherg.az”a açıqlamasında qeyd edib ki, müxtəlif qüvvələr hər fürsətdən istifadə edərək və müxtəlif bəhanələr taparaq Azərbaycana qarşı istifadə edirlər:
"Mxitaryanın özü dəfələrlə siyasi məqsədlərlə bəyanatlar verib. O Azərbaycanın işğal olunmuş ərazisində şou nümayiş etdirib. Tam çılpaqlığı ilə göstərildi ki, hər zamankı kimi hansısa qüvvələr ölkəmizin uğurlu, beynəxalq səviyyəli idman yarışlarının keçirilməsində öz paxıllıqlarını nümayiş etdirirlər. Ona görə də Azərbaycana qarşı böhtan və yalan bəyənatlar verməklə çalışırlar ki, bütün şəbəkələr bu prosesə qoşsunlar”.
Yeganə Bayramova
