Dünyanın ən uzun ağacı: Ona yaxınlaşmaq yasaqlandı

Yusif Nəzərli 18:46 02.08.2022 Arxiv 2566

Ginnesin Rekordlar kitabında dünyanın ən hündür, ən uzun ağacı olaraq qeydə alınan “Hyperion” ağacına yaxınlaşmaq, hətta ətrafına dolanmaq da qadağan edilib. Qadağanı pozanlar ciddi şəkildə cəzalandırılacaqlar. “NTV.com.tr” xəbər verir ki, bununla bağlı ABŞ-ın Kaliforniya ştatı, Redvool Milli Parkı qərar verib. Dünyanın ən hündür, ən uzun ağacı məhz bu parkda yerləşir. Park rəhbərliyi ziyarətçilərin ağaca zərər verdiyini iddia edir və qadağanı pozanların 6 aya qədər həbs cəzası və ya 5 min dollar məbləğində cərimələnəcəyini bildirir. Ağacı ziyarət etməyə icazə verilmir artıq. Ağac 116 metr uzunluğundadır, adı Ginnesin Rekordlar kitabına düşdüyü üçün də turistlərin marağına səbəb olur, onun qarşısında dayanıb foto çəkdirmək ənənəyə dönüb. Lakin turistlər eyni zamanda ağaca zərər vurur, ətrafını çirklənidirirlər. Ağaca doğru aparan çığırla addımlayan ziyarətçilər meşənin təbii florasını, yaşıl örtüyünü zədələyirlər. Buna görə də ağaca yaxınlaşmaq qadağan edilib.