"Biz AĞ Partiya olaraq əfv kimi humanist addımları hər zaman alqışlayır və dəstəkləyirik".
Bunu "Sherg.az"a açıqlamasında Ağ Partiyanın sədri Tural Abbaslı deyib. Partiya rəhbəri bildirib ki, bayram öncəsi 431 ailənin sevincinə sevinc qatıldı:
"Sevindirici hal odur ki, əfv siyahısında siyasi baxışları fərqli olan 51 insanın da adı var. Burada Gözəl xanımın, İlkinin, Qiyasın, Bayramın və sair bu kimi dostların azadlığa çıxması bizi daha da sevindirir. Doğrudur, hələ də azadlığını gözləyən məhbuslarımız kifayət qədərdir. Ümid edirik, yaxın zamanlarda onları da azadlıqda, öz ailələrinin və əzizlərinin yanında görəcəyik. Bu gün Azərbaycanın dövlət olaraq ən çox ehtiyac duyduğu milli barışıqdır. Milli barışıq olmadan nə dövlətimiz güclənə bilər, nə də Qarabağımız azadlığa qovuşar. İqtidarın bu yöndə addımlarını davam etdirəcəyini və daha prinsipial islahatlar edəcəyinə ümid edirik. Əgər ortada siyasi iradə olarsa, dediyim milli barışıq mühitinə nail olunacağına əminəm".
İsmayıl
