"Məscidlərimizin qapısında bayrağımız asılmalıdır. Təklif edərdim ki, hətta məscidlərin içində, imamın dayandığı mehrabın kənarında da şanlı bayrağımız qoyulsun”.
Bunu "Sherg.az”a açıqlamasında ilahiyyat üzrə fəlsəfə doktoru Rəşad Məmmədov deyib.
Ekspertin sözlərinə görə, məscidlərimizdə dövlətçilik və bayrağa sayğı göstərmək prioritet məsələ olmalıdır:
"Dini Komitə tamamilə düzgün vurğulayıb, yerində deyilmiş sözdür. İllərdir bu məsələlərlə bağlı öz miqyasımızda təbliğat aparırıq. İslam dini müasir və sivil formada təbliğ olunmalı, ayinlərin mahiyyəti cəmiyyətə aşılanmalıdır. Qara bayraqların, metaldan düzəldilmiş beş barmaqların, ələm kimi tanınan simvolların islamla yaxından-uzaqdan əlaqəsi yoxdur”.
İlahiyyatçının sözlərinə görə, hər bir məscidin kitabxanasında Azərbaycan konstitusiyası yer almalıdır:
"Məscidlərdə dövlətçiliyimizi təbliğ edə bilsək, bayrağımızı sevdirsək, mənfur düşüncələrlə heç kim milləti azdıra bilməz. Eyni zamanda hər ay məscidlərimizdən ilahiyyatçılar ön cəbhəyə getməldir. Onlar ön cəbhədə vətənpərvərlikdən moizələr etməli, dualar oxunmalı, ehsan verilməlidir. Bu, bir növ düşmənlə üz-üzə olan qardaşlarımızın əzmkarlığını artıracaq.
Dəfələrlə bununla bağlı təşəbbüs etsəm də, müsbət cavab almamışam. Bir daha deyirəm, məscidlərimizdə islam dininə mənsub olmayan imamların adları yazılmış qara parçaları yığışdırıb, onların yerinə şanlı bayrağımızı asmaq lazımdır”.
İsmayıl
