Nigeriyanın Kaduna əyalətində tarixi məscidin uçması nəticəsində 10 nəfər ölüb, 7-si ağır olmaqla 25 nəfər yaralanıb.
Sherg.az xarici KİV-lərə istinadən xəbər verir ki, axtarış-xilasetmə işlərinin bitdiyi məsciddə çökmənin səbəbi ilə bağlı araşdırma başladılıb. Qəza ilə bağlı səlahiyyətlilər, "Biz bir gün əvvəl məscidin divarında çat müşahidə etmişdik və onu təmir etmək üçün inşaat mühəndislərindən ibarət bir qrup təyin etməyi planlaşdırırdıq" deyə bildirib.
1830-cu illərdə Nigeriyada inşa edilən məscid hər il dünyanın hər yerindən müsəlmanların tez-tez ziyarət etdiyi məkan kimi tanınır.
Ölkədə bəzi binalar tez-tez uçur. Mütəxəssislər bildirirlər ki, bu çökmələrə səbəb konstruksiyaların köhnəlməsi, binanın planlaşdırılmaması, qaydalara əməl edilməməsi və tikinti zamanı keyfiyyətsiz materiallardan istifadədir.
