Nəzarətdə olan İstanbul Böyükşəhər Bələdiyyəsi sədri Əkrəm İmamoğlu bələdiyyə işçilərinə məktub göndərib.
Axar.az xəbər verir ki, bu barədə Türkiyə mediası məlumat yayıb.
"İstanbul Böyükşəhər Bələdiyyəsində 6 ildir birlikdə çalışdığım menecerlərimə, həmkarlarıma və işləyən qardaş və bacılarıma ən səmimi sevgi və salamlarımı çatdırıram.Siz mənim ən böyük güc və mənəvi motivasiya mənbəyim olacaqsınız. 16 milyonluq İstanbul əhalisinə xidmətinizdə heç bir geriləmə olmayacağı kimi, gördüyünüz hər bir vətəndaşa mənim səmimi salamlarımı və hörmətimi çatdırın. Millət böyükdür. Sizi və ailəmizi sevgi və hörmətlə salamlayıram”, - mesajda qeyd edilib.
Qeyd edək ki, İmamoğlu 19 martda korrupsiya və terror təşilatı ilə əlaqə ittihamı ilə saxlanılıb.
