NATO-nun baş katibi Mark Rütte alyans ölkələrini hərbi istehsalı artırmağa çağırıb və əmin edib ki, bu cür təşəbbüslər iqtisadi vəziyyətə faydalı təsir göstərəcək.
Trend-in məlumatına görə, bu barədə NATO-nun baş katibi Londonun "Çatem haus" analitik mərkəzində deyib.
"Müdafiə sərmayəsi ilə yanaşı, müdafiə istehsalını da artırmalıyıq. Bu, sərfəli qiymətlərlə hərbi təchizatın artırılması deməkdir", - deyə o bildirib.
Onun sözlərinə görə, NATO müdafiə istehsalına müasir texnologiyaların tətbiqinin tərəfdarıdır.
O vurğulayıb ki, alyans ölkələrin ÜDM-in 5%-ə çatdırılmalı olan müdafiə sərmayələri həm də mülki infrastrukturun, xüsusən də nəqliyyat sahəsində təkmilləşdirilməsinə gətirib çıxaracaq.
