ABŞ-nin Tennessee ştatında bir həftədən çox müddət itkin düşən “Ed” adlı ev zebrası tapılaraq tutulub.
Sherg.az xəbər verir ki, Rutherford County Şerif İdarəsi, zebranın bir otlaq sahəsində aşkarlanıb təhlükəsiz şəkildə ələ keçirildiyini açıqlayıb. Helikopter dəstəyi ilə zebranın tutularaq heyvan karavanına aparıldığı bildirilib.
Şerifin ofisi Edin 30 may tarixində Christiana bölgəsinə gəldiyini, sahibinin isə ertəsi gün itkin olduğunu xəbər verdiyini deyib.
Ed yol kənarında qaçarkən görünüb və videoya çəkilib. Bu vəziyyət magistral yolun bağlanmasına səbəb olub. Lakin Ed daha sonra meşəlik əraziyə qaçıb.
Qısa müddətdə internetdə zarafat mövzusuna çevrilən Ed, bəzən restoranda yemək yeyərkən, bəzən də Tennessee şəhərlərində gəzişərkən təsvir olunub.
