“Hollivud rejissorları ilə birgə Qarabağa aid film çəkilməlidir. Büdcədə film sahəsinə ayrılan xərclərdə xəsislik edilməməlidir”.
“Report” xəbər verir ki, bunu deputat Vüqar İskəndərov “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi ilə bağlı parlamentdə keçirilən birgə iclasda çıxışı zamanı deyib.
O qeyd edib ki, artıq ermənilər Hollivud səviyyəsində təqdim oluna biləcək bir neçə film çəkib:
“Həmin filmlər yalan və saxtakarlıq üzərində qurulsa da, beynəlxalq arenada nümayiş etdirilir”.
