Ölkəmizdə koronavirusa qarşı mübarizənin əsas ağırlığının həkimlərlə yanaşı, həm də Azərbaycan polisinin üzərinə düşdüyü şübhəsizdir. Ölkədəki karantin rejiminin icrasına nəzarət edən polisin, pandemiya dönəmində ölkə vətəndaşlarına xüsusi qayğı və diqqətlə yanaşdığı, onları maarifləndirməklə yanaşı, həm də ehtiyacı olan yüzlərlə ailəyə ərzaq yardımı göstərdiyi, bütün humanitar aksiyalarda yaxından iştirak etdiyi, hətta küçə və meydanlardakı quşlara, yiyəsiz heyvanlara belə sahibləndiyi günümüzün qürurverici reallıqlarından biridir.
"Sherg.az"xəbər verir ki, Laçın rayon sakini, hazırda Sumqayıt şəhəri “Sarıqaya” massivində məskunlaşan 8 yaşlı İmranlı Zəhra Ayaz qızı pandemiya ilə savaşan Azərbaycan polisinə dəstək məqsədi ilə maraqlı ilkə imza atıb. Onun səsləndirdiyi “Azərbaycan polisi” şeirində daxili işlər orqanı əməkdaşlarının koronavirusa qarşı mübarizə dönəmində göstərdiyi fədakarlıq, bu fədakarlığın ürəklərdə doğurduğu sevgi və rəğbət bütün incəliyi ilə öz əksini tapıb.
Xatırladaq ki, bu, pandemiya dönəmində Azərbaycan polisinə dəstək məqsədi ilə yazılan və ifa edilən ilk şeirdir. Zəhra İmranlı tərəfindən səsləndirilən şeirin müəllifi isə jurnalist-tarixçi Seymur Əliyevdir.
Azərbaycan polisinə, onun böyük əməyinə həsr edilən şeiri oxucuların diqqətinə çatdırırıq.
