Fransada 2027-ci il prezident seçkilərində namizəd Jan-Lük Melanşon qalib gələcəyi təqdirdə ölkəni NATO-dan çıxaracağını bildirib.
Teleqraf xəbər verir ki, o, Parisin Le Burje şəhərinin ətrafında keçirilən mitinqdə seçki platformasını təqdim edərkən "Fransanın NATO və ya Amerika müharibələrində iştirakı yolverilməzdir", - deyə bildirib.
Solçu namizəd həmçinin söz verib ki, səlahiyyət müddəti ərzində Paris, xüsusən də nüvə silahlarının azaldılması danışıqlarında fəal iştirak edəcək. Melanşonun açıqlamaları auditoriya tərəfindən alqışlarla qarşılanıb.
Rəy sorğularına görə, Melanşon və sağçı Milli Mitinqin namizədi Marin Le Pen 2 may 2027-ci ildə keçiriləcək seçkilərin son, ikinci turunda ən şanslı namizədlər olacaqlar. Le Pen dəfələrlə Fransanın NATO Birgə Hərbi Komandanlığından çıxmasına çağırıb.
