Onlayn qəzet

Digər kateqoriyalar

Regionlarda süni su hövzələrində boğulub ölənlərin sayı artır – Nəzarət yoxdur ? 

Nihat Müzəffər 08:27 24.07.2019 Cəmiyyət 1384
Son zamanlar dənizdə, müxtəlif süni su hövzələrində boğularaq dünyasını dəyişən insanların sayı artıb. Xüsusən də, regionlarda heç bir zaman təmizlənməyən, təhlükəsizliyi təmin olunmayan su anbarı və kanallarda boğulub ölənlərin sayı hər ötən gün çoxalır. Yaşından aslı olamayaraq uşaqlar, yeniyetmələr hətta böyüklər belə sərinlənmək üçün bu cür su hövzələrinə baş vururlar. Lakin sonu faciə ilə nəticələnir.
Maraqlıdır, həmin su hövzələrinə niyə nəzarət edilmir ? 

Suallarımızı cavablandıran təhlükəsizlik məsələləri üzrə ekspert Elmar Nurəliyev “Sherg.az”a bildirib ki, bu kimi məsələlərə nəzarət olunmasa, daha pis hadisələr yaşanacaq:
“Yay mövsümü gələndən insanlar sərinləmək, həm də istirahət üçün çimərliklərə üz tuturlar. Təbii ki, yayda istirahət üçün ən gözəl seçim məhz çimərliklərdir. Lakin bəzi insanlar öz həyatlarını təhlükəyə ataraq süni su hövzələri, su anbarları, kanal, çaylar və göllərə üz tutur. Həmin yerlərdə çimərək “istirahət etmiş” olur. Bunun nə dərəcədə təhlükəli olduğunu nəzərə almır.
Su anbarları, kanallar və s. bu kimi yerlərin təyinatı çimmək üçün nəzərdə tutulmayıb. Həmin su hövzələrinin dibində konserv qabı, qırılmış şüşə parçası, sınıq butulka kimi deşici, kəsici  əşyalar toplanıb. 
Eyni zamanda göldə suyun dibinin lil olması, bataqlıq yaratması suya düşən insanın oradan çıxması xeyli çətinləşdirir və bəzən həmin adam batıb ölür. Çünki lilə batan insan çıxmağa çalışdıqca daha da dərinə batır.
Bu cür yerlərdə çimmək çox təhlükəlidir. Kanallarda suyun üzündəki axın sürəti ilə altındakı axın sürəti arasında üç dəfə artıq fərq var. Bunu orada çimənlər nəzərə almırlar və öz həyatlarını belə təhlükəyə atırlar. Yay mövsümü bizdə üç ay olur. Və bu üç ayda xeyli insan bu kimi yerlərdə çimərək həyatlarını itirir. 
Hesab edirəm ki, süni su hövzələri dövlət tərəfindən nəzarət götürülsə, ora FHN-nin sularda xilasetmə xidməti və DİN-nin müvafiq bölmələri ilə “naryad” ayrılarsa, bunun qabağını almaq olar.
 Ümumiyyətlə, bu süni su hövzələrindən, kanaldan və göllərdən çimərlik kimi istifadə edənlərlə bağlı qanun layihəsi hazırlanmalıdır. Beləliklə də həmin yerlərə nəzarət edən qurumun hansı tədbirləri görəcəyi bəlli olar.
Bu kimi yerlər əsasən də süni su hövzələri və göllər ya bələdiyyələrin balansında olur, ya da hansısa özəl və ya dövlət müəssisəsinə uzun müddətlik icarəyə verilir. Bununla da heç bir təhlükəsizlik məsələlərinə nəzarət olunmur. Ona görə də insanlar həyatını itirir”.




Yazarın bütün yazılarına bax
Nihat Müzəffər

Oxşar xəbərlər

Yenidən Ombudsman seçilməsini istəyirik - Novella Cəfəroğludan Səbinə Əliyevaya açıq dəstək
Yenidən Ombudsman seçilməsini istəyirik - Novella Cəfəroğludan Səbinə Əliyevaya açıq dəstək
14:33 30.10.2026
Bağçada direktorun azyaşlıya qarşı fiziki zorakılığı ilə bağlı cinayət işi başlanıb
Bağçada direktorun azyaşlıya qarşı fiziki zorakılığı ilə bağlı cinayət işi başlanıb
13:47 30.10.2026
Deputat Səyyad Aran Ombudsmanı təriflədi
Deputat Səyyad Aran Ombudsmanı təriflədi
10:42 30.10.2026
Taksi sürücüləri üçün vacib xəbər - Tarix açıqlandı
Taksi sürücüləri üçün vacib xəbər - Tarix açıqlandı
19:22 29.10.2026
Sabah Masallının bu kəndlərində qaz olmayacaq
Sabah Masallının bu kəndlərində qaz olmayacaq
18:40 29.10.2026
Ali Məhkəmə Hacı Vəliyevlə bağlı qərar verib
Ali Məhkəmə Hacı Vəliyevlə bağlı qərar verib
12:54 29.10.2026

Xəbər lenti

Hamısına bax