Vatsap növbəti funksiyasını təqdim edib.
Axşam.az-ın məlumatına görə, "Meta" şirkətindən bildirilib ki, istifadəçilər artıq bir cihazda eyni anda iki vatsap hesabına daxil ola bilərlər.
Bunun üçün isə hər dəfə sistemdən çıxmalı və ya özünüzlə iki telefon gəzdirməli deyilsiniz.
Messencerə daha bir telefon nömrəsinin daxil edilməsi üçün isə cihaz ikinci SİM kartı və ya eSIM-i dəstəkləməlidir.
İstifadəçilər hesab üçün məxfilik və bildiriş parametrlərinə də nəzarət edə biləcəklər.
Sözügedən funksiya tezliklə hamı üçün əlçatan olacaq.
