Bakıda istehlaka yararsız müxtəlif növ qida məhsulları məhv edilib
Bu barədə Azərbaycan Respublikasının Qida Təhlükəsizliyi Agentliyindən (AQTA) məlumat verilib.
Belə ki, istehlaka yararsız və istifadə müddəti bitmiş məhsulların məhv edilməsi ilə bağlı Agentliyə daxil olan müraciət əsasında, “Klin-Pro” MMC-yə məxsus 410 kq süd məhsulu, “Fenix-Trade” MMC-yə məxsus 230 kq dəniz məhsulu, “Merano-Baku” MMC-yə məxsus 2770 kq müxtəlif növ qida məhsulları (süd, meyvə-tərəvəz və dəniz məhsulları), “Kodis” MMC-yə məxsus 2800 kq çipsi “Təhlükəli Tullantılar” MMC-nin tullantıların zərərsizləşdirilməsi poliqonunda məhv edilib.
