İtaliyanın Alp dağlarında yanvarın 1-dən itkin düşmüş iki britaniyalı alpinistdən birinin cəsədi tapılıb.
Sherg.az xəbər verir ki, İtaliyanın Alp dağlarında xilasetmə xidməti yanvarın 1-dən Trento yaxınlığındakı Adamello dağlarında səyahətə çıxdıqdan sonra itkin düşən britaniyalı alpinistlər Aziz Ziriat və Sem Harrislə bağlı açıqlama yayıb.
Açıqlamada bildirilir ki, alpinistlərdən birinin cansız cəsədi telefon qeydlərindən istifadə edilərək tapılıb.
Açıqlamada digər alpinistin axtarış-xilasetmə işlərinin davam etdiyi, əlverişsiz hava şəraiti səbəbindən işlərin çətinləşdiyi bildirilib.
Komandaların tapdığı cəsədin hansı alpinistə aid olduğu hələ müəyyən edilməyib.
